Босния жана Герцеговинада 30 жыл мурдагы эл аралык коомчулук геноцид деп тааныган Сребреница кыргынынын курмандыктары эскерилүүдө. 11-июлда Потокари мемориалдык борборуна жүздөгөн адамдар жана чет өлкөлүк делегациялар чогулду.
Абу-Дабиде Азербайжан президенти Илхам Алиев менен Армениянын өкмөт башчысы Никол Пашиняндын кездешти. Тоолуу Карабакты талашып, 30 жылдан ашуун кармашкан эки өлкө март айында тынчтык келишиминин текстин макулдашышканы менен документке кол коюла элек.
Орусиянын ички иштер министри «пайдасыз мигранттарды» өлкөдөн чыгарууну сунуш кылган. Мамлекеттик дума жергиликтүү органдарды келгиндердин балдары тууралуу маалыматты Ички иштер министрлигине берип турууга милдеттендирген мыйзам долбоорун караганы жатат.
Жусуп Баласагын атындагы улуттук университеттен үч миңге чукул студент окуудан чыгарылды. Атайын кызмат маалымдагандай, бул студенттер тизмеде болгону менен окууга келген эмес. Учурда окуу жайдагы мыйзам бузууга катышкан кызматкерлерди аныктоо иштери жүрүп жатат.
Кыргызстанда быйыл чегиртке жылдагыдан да көбөйүп, айыл чарбасына олуттуу коркунуч жаратты. Айыл чарба министрлиги 92 миңден ашуун гектар аянтты дарылоого аргасыз болду.
Президент Садыр Жапаров мамлекеттик сапар менен Тажикстанга барды. Эң жогорку макамдагы сапар алкагында эки өлкөнүн кызматташтыгын тереңдетүү талкууланып, бир нече жылдан бери жабык турган "Карамык" жана Бор-Дөбө бекеттери ачылды.
Ысык-Көлдөгү Кызыл-Омпол кенинде титаномагнетит өндүрүү иши пилоттук режимде башталганы белгилүү болду. Бул тууралуу Министрлер кабинетинин төрага орун басары Бакыт Төрөбаев билдирди.
4-июлга оогон түнү орус аскерлери Украинанын шаар-кыштактарына жапырт сокку уруп, жалпысынан 550дөй пилотсуз учак жана ракета атты. Анын алдында АКШнын лидери Трамп орус президент Путин менен телефондон сүйлөшкөнү маалымдалган. Трамп бул сүйлөшүүдө "эч кандай жылыш болбогонун" билдирди.
Трамп Путин менен соңку сүйлөшүүдө Украинадагы ок атууну токтотуу боюнча “эч кандай алдыга жылыш” болбогонун билдирди. Бишкекте "Апрель" телеканалын жоюу боюнча сот жараяны уланууда. Бишкектеги "Шератон" мейманкасындагы мушташтан улам бийчи Жан Воинов жана анын кайниси кармалды.
Бишкекте жөө өтмөктөн жүк ташуучу автоунаа сүзүп кеткен сегиз жаштагы кыздын ата-энеси айдоочу эркиндикте жүрөт деп, нааразы болууда. Бишкек милициясы айдоочу кырсык болгондон көп узабай эле кармалганын билдирди.
АКШ Украинага курал-жарактын айрым түрлөрүн берүүнү токтоткону айтылууда. Президент Садыр Жапаров Москвага иш сапары менен барды. УКМК буга чейин кыргыз-тажик чек арасындагы куралдуу кагылышта "гранаталарды алып, сатып жиберген" деген шек менен уюшкан кылмыштуу топ кармалганын билдирди.
Америкалык маалымат каражаттарында АКШ Украинага курал-жарактын айрым түрлөрүн берүүнү токтоткону тууралуу кабарлар тарап жатат. Ага ылайык, Пентагон мындай кадамга өз запастары азайганына байланыштуу барды. Украиндер АКШнын жардамы болбосо өлкөнүн абадан коргонуу дарамети алсырайт деп кооптонууда.
Дагы жүктөңүз
